BUZËQESHJA NË FYTYRAT E NXËNËSVE

       Isuf Bytyçi:- Më 19.12.2017, përfaqësuesit e Konsullatës së Kosovës në Munih të Gjermanisë kishin organizuar një takim të përbashkët me përfaqësuesit e MASHT-it dhe ata për Mësimin Plotësues në Gjuhën Shqipe në Bavari.
Në cilësinë e nikoqirit, ishin përfaqësuesit e konsullatës së Kosovës, z. Hamdi Reçica dhe z. Faket Kajtazi. Ndërsa mysafirë nga Kosova, ishin përfaqësues nga institucionet më prestigjioze kosovare, përfaqësues nga: MASHT-i, nga Instituti Pedagogjik, IPK, Drejtoria e Kompetencës – Skenderaj, AAAPARr: znj. Shyhrete Reçica, z. Armend Bajraktari, z. Agim Bujari, z. Bashkim Ali Azemi, z. Jetmir Berisha dhe znj. Liridona Shala. Kurse, përfaqësuesit për Mësimin Plotësues në Gjuhën Shqipe në Bavari ishin z. Mustafë Krasniqi dhe, Isuf Bytyçi.

Mysafirët nga Kosova, kishin ardhur, që ta shohin ecurinë e Mësimit Plotësues në Bavari, nga afër. Temë komunikimi ishte Mësimi Plotësues në Gjuhën Shqipe, prioritetet dhe sfidat, që i ka.

Përfaqësuesit e KMPGJSH-së, i shpalosën pothuaj të gjitha vështirësitë, që e përcjellin Mësimin Plotësues në Gjuhën Shqipe në Bavari! U pasqyrua gjendja reale dhe u mor si një shqetësim i dukshëm, gjendja e njohjes së Gjuhës amtare nga ana e fëmijëve tanë këu e, kudo në mërgim! Ka nga ata, që nuk e flasin fare gjuhën amtare! Andaj, për këtë duhet të shqetësohen institucionet tona shqiptare, të paktën të ndjejnë përgjegjësi institucionale, kombëtare e morale për  fëmijtë mërgimtarë dhe vet mërgatën shqiptare, gjë që t’i prijnë këtij procesi, duke i motivuar bashkëkombësit dhe joshur me bindjen e domosdoshme për ruajtjen e vlerës së kulturës, duke u dhënë përkrahje veprimtarëve të palodhur të cilët merren me projektin e Mësimit Plotësues të Gjuhës Shqipe në Bavari e gjetiu, theksuan përfaqësuesit e KMPGJSH-së, Mustafë Krasniqi e Isuf Bytyçi.

 Pasi u informuan mirë përfaqësuesit e ASHAK-ut, në lidhje me situatën, aty u bë një dialog i ngjeshur, në kërkim të një zgjidhje më të mirë të mundshme. Pas një debati relativisht të gjatë,  u arrit deri te ideja se si duhet vepruar më tutje, me Mësimin Plotësues.

U përmend qëllimi i mbajtjes së Mësimi Plotësues: vetëdijësimi i bashkatdhetarëve, koha e prindërve dhe e fëmijëve si dhe mbajtjen e mësimit dhe lejimi i klasave. Po ashtu, forma e organizimit, e pagesës së arsimtarëve, sjellja e teksteve dhe Plan-programi për Diasporë, kualiteti i mësimdhënies, metoda e punës me nxënës, sidomos në grup-mosha të ndryshme brenda një klase, gjetja dhe përgatitja e arsimtarëve, lejimi i objekteve shkollore, sjellja e fëmijëve në shkollë për Mësimin Plotësues nga prindi, koha e sjelljes, motivimi i prindërve dhe fëmijëve dhe interesi i tyre, se cili është etj.

Pas gjithë këtyre informatave, secili nga të pranishmit – përfaqësuesit e MASHT-it, i dhanë idetë e tyre. Premtuan se brenda mundësive që i kanë, do ta përkrahin KMPGJSH-në dhe vazhdimisht do të japin këshilla e programe, që dhe do t’i përgatisin enkas, për Mësimin Plotësues në Gjuhën Shqipe në Diasporë, me modele të kapshme dhe lehtësuese.

Gjatë diskutimit u mor si shembull modeli Suedez dhe ai Kroat, që deri më tani duket se janë modelet më të mira, nga që arsimtarët përfitojnë paga nga shteti, ku e mbajnë Mësimin Plotësues në Gjuhën Shqipe. Më tej, përfaqësuesit e KMPGJSH-së, këtë model e trajtuan si model i mirë, por megjithatë, theksuan se ky model nuk mund të merret edhe për shtetet tjera e, sidomos për landin e Bavarisë. Land, për dallim nga landet tjera të Gjermanisë, që nuk e merr përsipër pagën e mësimdhënësve për mësimin plotësues të gjuhëve të huaja! Por, që mundëson të mbahet Mësimi Plotësues në gjuhët e huaja, brenda objekteve shkollore. Ndërsa, ne si KMPGJSH, jemi në kërkim të alternativave të mundshme për të siguruar një qëndrueshmëri në lidhje me  pagat e mësimdhënësve, shtuan përfaqësuesit e KMPGJSH-së.

Përveç të tjerash u diskutua edhe puna e monitorimit për Mësimin Plotësues: kualiteti, kriteret, profili pedagogjik, objektivat, komunikimi, bashkëpunimi etj. Aty u propozua dhe u premtua nga përfaqësuesit e MASHT-it, se këtë shqetësim do ta përcjellin në Ministrinë e Arsimit, si dhe do të merremi me përgatitjen e një broshure, në të cilën do të jetë metodologjia më e re e mësimdhënies, e cila përdore në vendet më të përparuara europiane. U fol rreth hulumtimit, në lidhje me arsimin dual. Instituti dhe Agjensioni, do të na përkrahin në aspektin profesional, thanë ata. Ndërsa, Drejtoria e Drejtoratit të Skenderajt, do ta bëjë ndërmjetësimin me shkolla të ndryshme të shteteve të Bashkimit Europian.

Që krejt në fund erdhëm në përfundim se Mësimin Plotësues në Gjuhën Shqipe në Bavari, por kudo që mbahet në botë, secili mund ta ndihmojë, por jo edhe ta kontrollojë dhe ta inspektojë apo ta pengojë. Vetëm ai institucion, i cili e organizon dhe e financon, e ka të drejtë ta kontrollojë dhe inspektojë, por, jo edhe ta pengojë. Po ashtu nga  përfaqësuesit e MASHT-it edhe KMPGJSH-së u mor si e domosdoshme gjetja e një zyre të veçantë dhe krijimi i orarit të saj të punës, e cila jo vetëm që do ta tregonte adresën e saktë për punë dhe kontakt me palë, por edhe do ta shtonte seriozitetin e punës së KMPGJSH-së.

Pra, premtimet nga ana e përfaqësuesve të MASHT-it, për bashkëpunim ishin të parezervë, ashtu sikurse edhe shpresat, nga ana e përfaqësuesve të KMPGJSH në Bavari, po aq ishin të mëdha.

Pas gjithë këtyre diskutimeve dhe problemeve të shtruara nga ana e përfaqësuesëve të Mësimit Plotësues në Gjuhën Shqipe, përfaqësuesit e MASHT-it u zotuan se për këtë çështje kaq të rëndësishme kombëtare do të na qëndrojnë pranë dhe do të dalin me një deklaratë për media.

 

SEMINARI I GJUHËS SHQIPE NË VELIKA GORICA TË ZAGREBIT, KROACI

     
  Shkruan: Mustafë Krasniqi-12.12.2017
Piazhe Griande ka thënë: “qëllimi kryesor i arsimimit është që të krijojë njerëz që janë të aftë për të bërë gjëra të reja, jo thjesht ta përsërisin atë që kanë bërë brezat e tjerë...”!  Andaj, mësimi i gjuhës shqipe në mërgatë sikur vije duke u zbehur, nga fakti se ka munguar një angazhim i tërë spektrit politike e atij shoqërorë, konkretisht i vetë mërgatës, i cili sikur e ka injoruar pa vetëdije çështjen më thelbësore të arsimit, në gjuhën e tyre, gjuhën shqipe.
Pra, për këtë do të duhej një studim më i thellë deri te hyrja në botën e të kuptuarit se pa e ditur gjuhën e rrënjës, nuk mund të jesh i ditur edhe në gjuhën e dytë apo të tretë, sidomos te shprehjet emocionale do të zbërthehen këndshëm në gjuhën amtare, sado që kemi mungesa rreth saj.
 

Kuptohej se rol të rëndësishëm në këtë çështje madhore do të duhej të kishin vetë institucionet përkatëse të atdheut! Madje, roli i vetë prindërve që të shoqërohen emocionalisht me raportin fëmijë – prind – gjuhë.  Nëse ky raport do të ishte i pranishëm te mërgata jonë, sikur më lehtë do ta kishim pasur për të zhvilluar procese mësimore dhe për të hapur klasa të reja,  kudo që ka nxënës shqiptarë.
Ne, të jemi realistë dhe ta shikojmë  situatën nga këndvështrimi real, duke mos paragjykuar, por sipas kohës së veprimit, se sa është e favorshme që të japim shpresa për të ardhmen, apo që të gjejmë rrugë të mundshme për një mësim më efikas  dhe gjithëpërfshirës te fëmijtë tanë mërgimtarë, kudo që janë.
Mendojmë se në këtë drejtim duhet të fokusohemi, madje ta zbërthejmë lëndën përgatitore për nxënësit dhe nxitjen për të qenë pjesë e Mësimit  Plotësues në Gjuhën Shqipe, kudo në Diasporë. Vetëm në këtë formë mund të flasim për një afrim të metodës së të mësuarit dhe procesin, gjatë orës së mësimit, që duhet t’i  përkushtohet mësimdhënësi, ku në këtë rast prindi është çelësi kryesor për rolin e fëmiës në përballje me gjuhën e prindërve, që emocionalisht do të kishte arritur një rolë ndikues te fëmija i tij, që ai ta njohë gjuhen e tij. Por, për fat, kjo, jo vetëm që nuk ndodhë, por shpesh edhe injorohet nga vet prindërit, pa qëllim, duke menduar se gjuha shqipe nuk iu hyn në punë fëmijëve tanë në mërgim, apo se ata e dinë mjaftë gjuhën e tyre! Ndërsa, mësimdhënësi duhet të jetë një aparat i vullnetit, që nxitë nxënësin të bëhet pjesë e pandashme e mësimit plotësues, si dhe në anën tjetër, prindi të ketë një obligim që fëmijën ta nxisë për të qenë pjesë e kulturës, dhe mësimit të gjuhës dhe historisë shqiptare.
Duhet ta pranojmë një fakt, me keqardhje, se pjesa dërmuese e mërgatës, e prindërve janë të harruar pas punës dhe në asnjë rast nuk e motivojnë fëmijën e tyre për ta mësuar dhe njohur traditën, kulturën, historinë dhe gjuhën e tyre, e mos të flasim për avansimin apo krijimin e një metodologjie që mund ta përfitojë fëmija nga prindi, ku shpesh bëhet edhe pengesë për gjuhën vendase, nga që prindi nuk e njeh mirë dhe i ofron një mësim të gabuar, flas për një pjesë dërmues të prindërve mërgimtarë.
Për këtë arsye, duhet që t’i vetëdijësojmë prindërit se gjuha amtare duhet të flitet në shtëpi, kurse gjuhën e dytë, vendase e ka të pranishme në çdo mes dhe sidomos në institucionet shkollore.
Për këtë duhet të aprovohen disa medota të veprimit për lehtësimin e të mësuarit e gjuhës amtare nga fëmijtë mërgimtarë, duke i ofruar prindit këto fakte:
- kontakti me gjuhën e prindit e lidhë emocionalisht fëmijën, që të jetë  i prirur ta njohë në esencë domosdoshmërinë e të mësuarit te shqipes, nëse  prindi ka një përkujdesje që fëmija i tij të jetë i lidhur për gjuhën amtare.
- Fëmija, që  njeh mirë gjuhën amtare, do të ketë një guxim t’i qaset një përballje të hapur me mësimin e gjuhëve të huaja dhe aq më mirë do ta përvetësojë gjuhën e shtetit ku jeton.
- fëmija duke e njohur traditën, historinë dhe kulturën shqiptare, do të performon guximshëm mbi kultura tjera, ngaqë ka një njohje më tepër se të tjerët.
Nëse, në këto tri pika thelbësore arrijmë që t’i bindim prindërit, patjetër se fëmija do të jetë më i suksesshëm dhe i vullnetshëm për ta vazhduar Mësimin Plotësues në Gjuhën Shqipe, njëkohësisht edhe për të qenë mësimi sa më i efektshëm, duke kërkuar gjithmonë nga mësimdhënësi më të mundshmen dhe vlerën.

 

 Për ta ngrit vetëdijen tek bashkëkombësit tanë sikur ka filluar të zbërthej dufi i durimit në heshtje, e hapur të dal në rrezja e dritës nga një pjesë e intelektualëve, mësimdhënësve e veprimtare, ku ju kanë përkushtuar rrugës së rilindësve se: pa gjuhë nuk ke identitet, e pa identitet nuk ke komb, e pa komb je i vdekur për mot!
Në këtë rrugë shumë të mundimshme, ku pjesa më e madhe e shqiptarëve, e kombit, janë dyerve të botës duke u përballur me harresën dhe asimilimin e gjuhës shqipe. Për të mos ardhur deri te kjo tragjedi kombëtare, sikur shihen në rrezet e para të mëngjesit disa përpëlitje të dukshme kohëve të fundit, mbase edhe të zëshme.
   Për këtë, mërgatën tonë, çelësi i dritës zë të rrugëtoj nga rilindësit e tutje me emocione kombëtare e atdhetare. Andaj me këtë çelës në dorë, jo vetëm që nderohemi dhe vlerësojmë historinë, trashëgimin e brezave të lashtë, që nga Pellazgjikja e deri me ditët e sotme, po do të ndihemi krenar, nga që gjuha shqipe me ato zbatica e batica ndër shekuj po ecë e pamposhtur.
Në këtë rrugëtim sikur ka filluar të luaj një rol të rëndësishëm edhe Ministria e Diasporës, ku  po përkrah rrugëtimin e rilindësve të rinj, për shkollën shqipe dhe angazhimin për një bashkim edukues; Të bashkuar për t’i shkëmbyer përvojat, idetë dhe mundësit më të mira, për t’’ju afruar nxënësit mërgimtar, që përmes gjuhës ta emocion fëmiun mërgimtar për atdheun, origjinën, traditën, historinë dhe këngën e vallen shqipe.
Seminari dhe roli i  saj
Në radhën seminareve që mbahen për Mësimin Plotësues në Gjuhën Shqipe, vite më radhë, janë seminare edukuese që kanë shërbyer dhe po shërbejnë për të gjetur një modul të metodologjisë së punës më të kapshme dhe të avancuar për nxënësit e mësimit plotësues, po njëkohësisht edhe për t’au tërhequr vëmendjen e bashkëkombësve tanë mërgimtar se po nuk ua mësuam gjuhën shqip fëmijëve tanë, do të ka drojë që do të asimilohen dhe e humbin edhe identitetin e tyre.
Krahas seminareve, në nivel të gjithë diasporës shqiptare, që mbahen nën përkujdesni e Ministrisë së Diasporës për çdo vit, ndërsa kësaj radhe u mbajt në nivel regjional, për shtetet: Gjermani Austria, Zvicër, Italia, Sllovenia, Kroaci dhe Greqia. Ndërsa seminari zhvilloj punimet e veta për tri ditë, më 8,9 dhe 10 Dhjetor 2017 në Velika Gorica të Zagrebit, nën patronazhin e Ministria e Diasporës së Republikës së Kosovës, Këshilli i mësuesve shqiptarë në Kroaci, Bashkimi i shqiptarëve në Kroaci, Këshillit të pakicës kombëtare shqiptare në Zagreb Qarkut në bashkëpunim me shoqatat e mësuesve nga Austria, Gjermania, Greqia dhe Sllovenia, Kroacia. Gjatë punimit të saj tre ditor, sipas të pranishmeve dhe organizatorëve ka qenë frytdhënëse, shpresuese dhe shumë motivuese për seminaristët,nga që roli i saj ka qenë të shkëmbehen përvojat profesionale mes kolegëve dhe kolegeve, gjë që dhe ja ka arritur qëllimin.
  Seminarin e përshëndeti zëvendësministri i Diasporës së Republikës së Kosovës, Faruk Nura, përfaqësues i Ministrisë së Arsimit të Kosovës, Nuhi Gashi, përfaqësues të Ambasadës së Shqipërisë dhe Kosovës, Ermina Lekaj Prljaskaj, përfaqësues të pushtetit lokal, përfaqësues të Ministrisë së Arsimit kroate, president i Bashkimit të shqiptarëve në Kroaci, një përfaqësues i Këshillit të pakicës kombëtare shqiptare Qarku i Zagrebit dhe kryetarët e shoqatave të mësuesve; Hazir Mehmeti nga Austria, Alma Bejtullahu nga Sllovenia, Mustafë Krasniqi nga Gjermania, Merita Hida Ymeri nga Greqia dhe përfaqësuesi nga Zvicëra. Për të përcjellë me një atmosferë të këndshme të recituesve dhe me monologun emocionues, që solli pranë seminaristëve me plis në dorë, aktor Leonard Hamitaj, po ashtu dhe vallja e grupit folklorik “Kud Ducec”, ku me këto valle përfundoj dita e parë e hapjes së seminarit dhe darka që ishte shtruar për seminaristët.
E, dita e dytë e seminarit filloj me temat e rëndësishme rreth mësimit plotësues dhe u formua komisioni drejtues nga Ymer Avdiut, Hazir Mehmetit, Melita Oreshkoviq etj. ndërsa rreth temave dhe mësimit plotësues folën: Miradija Berishaj, Alma Bejtullahu, Melita Oreshkoviq, Merita Hida-Ymerit dhe Mustafë Krasniqi. Gjë që u trajtuan temat profesionale në fushën e metodologjisë së mësimdhënies. Në këtë seminar folën edhe: Nada Zidar-Bogadi, këshilltar i lartë në Ministrinë e Arsimit dhe Shkencës së Kroacisë, Andrija Kuric, këshilltar për arsim në të Sllovakisë Osijek, Nuhi Gashi nga Prishtina, prof. Dr. Maximilian Baranačić, arbëreshe nga Zadari, Vera Xhafa-Haliti Slovenia, dr.Blerta Avdiu nga Tirana, Shqipëria, Hazir Mehmeti, Merita Ymeri dhe Eva Paloka dhe Miradija Berisha nga Vjena.
Seminari u përmbyll me zotimin për të ardhmen e gjuhës shqipe për diasporën-mërgatën shqiptare dhe me vizitën në Muzeun e këtij qyteti. Më pastaj për të marr pjesë edhe në sallën e koncerteve, me rastin e kremtimit të Këshillit Koordinues dhe përfaqësues të pakicave kombëtare të qytetit të Zagrebit, ku na shoqëroj edhe kënga e Sopranos sonë shqiptare në Zagreb.

Zgjerohet Mësimi Plotësues në Gjuhën Shqipe
në Munih të Gjermanisë

        Shkruan: Isuf Bytyçi - Mësuesja Fahrije Basha, në bashkëpunim me prindërit shqiptarë, Këshillin Organizativ për Mësimin Plotësues  në Gjuhën Shqipe, të aktivistëve shqiptarë në Bavari dhe të drejtoreshës së shkollës, në ditën e Premte më datën 6 tetor 2017, e hapën edhe një klasë në rrugën  Grafingerstr 71, në Munih. Me rastin e hapjes së klasës, ishin të pranishëm: prindërit shqiptarë që me entuziazëm e kishin pritur momentin e takimit, dhe nxënësit që ua shkëlqenin sytë nga gëzimi! Aty ishte aktivisti z. Arif Gashi, administratori për Mësimin Plotësues z. Jonuz Veliqi edhe sekretari për Mësimin Plotësues në Bavari, Isuf Bytyçi.

   Edhe aq leht nuk është që të hapen paralele për Mësimin Plotësues në Gjuhën Shqipe në Munih e Bavari. Vështirësitë janë të natyrave të ndryshme, por në saje të përpjekjeve të vazhdueshme të Këshillit Organizativ: z. Fran Tanushin, znj. Donika Zonja me burrin Stefanin, znj. Anila Xhani, znj. Xhevahire Sylejmani, z. Tefik Jaha, z. Jonuz Veliqi, z. Agron Ibrahimi arkatar, Dr. Edmond Skenderi, znj. Valbona Rroqi, znj. Nerxhivane Qorrolli etj., në krye me z. Mustafë Krasniqin, shumë punë kanë bërë dhe Mësimi Plotësues është duke u shtrirë, hap pas hapi në tërë Bavarinë. Por, pa harruar ta përmendim konzullatën Shqiptare  – Kosovare dhe të autorizuarit nga to: shkëlqesinë e tij Dr. Hamdi Reçica edhe Shkëlqesinë e tij Dr. Dashnor Ibraj, për kontributin që janë duke e dhënë vazhdimisht. Pëkrahje, na kanë premtuar edhe bizneset e, sidomos Shoqata Besa dhe thonë që do ta përkrahin Mësimin Plotësues në Gjuhën Shqipe, po ashtu është mjaft aktiv edhe z. Mislim Berisha, i cili ësht pedagog në Munih. Me rastin e hapjes së klasës, fjalën e rastit e pati Isuf Bytyçi, sekretar dhe, pastaj ua dha fjalën z. Jonuz Veliqit, znj. Fahrije Basha, mesuesja e klasës dhe z. Arif Gashi, i cili eshte prind dhe aktivist i palodhur.
Isuf Bytyçi, iu sqaroi prindërve pë metodën e mësimit, që mësimi, kryesisht to të zhvillohet në  grupe, mënyrën e pagesës, që shuma do të jetë simbolike, 10 euro për një fëmijë. Dhe me rëndësi ishte informimi se cili është përfitimi i nxënësve, që marrin pjesë në Mësimin Plotësues në Gjuhën Shqipe.

Edhe prindërit kishin pyetje nga më të ndryshmet: a është rrezik se fëmija mund t’i ngatrrojë gjërat kur ta mësojë Gjuhës Shqipe paralel me atë gjermane?

Por, përgjegjia ishte nga z. Bytyçi: jo që nuk i ngatërrojnë gjerat, nxënësit gjatë të mësimit të dy a po më shumë gjuhëve në të njejtën kohë, por përkundrazi, më të shkathtë bëhen fëmija me mësimin e gjuhës së tyre amtare! Pastaj, në të ardhmën do të arrijmë që ta pranojnë shkollat e Bavarisë notën në Gjuhën Shqipe si gjuhë e tretë, në shkolla në vend të gjuhës italiane apo spanjolle! Pos kësaj, tekstet dhe seminaret i kemi falas nga Ministria e Diasporës, por jo vetëm kaq, nxënësit tanë që marrin pjesë në Mësimin Plotësues, do ta kenë fatin që të shkojnë në eskursione falas, po ashtu të organizuara nga kjo Ministri. Do të ketë nga këta nxënës  që në të ardhmen, dikush ta studiojë albanologjinë, apo të punojë në diplomaci e tregëti dhe, gjuha shqipe do t’u hyjë shumë në punë. Pa e llogaritur përdorimin e gjuhës amtare në mesin familjar dhe komunikim me shokë e miq në vendlindje dhe ruajtjen e identitetik kombëtar e kulturor, të cilin e kemi e kemi.

EDHE NJË KLASË E RE NË GJUHËN SHQIPE - NË HOLZKIRCHEN TË GJERMANISË

 shkruan: Fatmire Krasniqi- Munih, 8 shtator 2017: Më 07.10.2017,në Holzkirchen-Gjermani, Këshilli për Mësimin Plotësues në Gjuhën Shqipe në Bavari së bashku me këshillin e prindërve të këtij qyteti dhe në praninë e telave të çiftelisë dhe të gitares u bë hapjen e klasës në gjuhën shqipe. Të pranishëm ishin: prindërit, nxënësit dhe kryetari i KMPGJSH, z. Mustafë Krasniqi. 

Krasniqi ndër të tjera theksoj rendësin e Mësimit Plotësues në Gjuhën Shqip dhe sfidat e mëdha në këtë rrugëtim që do të sfidohen mësimdhënësit, në bashkëpunim me Këshillat e Prindërve dhe Këshillin për Mësimin Plotësues në Gjuhën Shqipe në Bavari.

Të pranishmëve ju drejtua edhe koordinatori i Këshillit të prindërve të këtij qyteti, Hakif Qerimi, ku ndër të tjera tha: Ishte një privilegj për mua dhe tërë Këshillin, ka mbi një vit që në bashkëpunim me Krasniqin bëjmë përpjekje të hapim shkollat dhe sot u arrit ky qëllim ku jam tepër i lumtur që po e fillojmë mësimin me 26 nxënës, që shpresojë së shpejti do të kemi dyfishin e këtij numri të nxënësve. Pas fjalës së Koordinatorit, Hakif Qerimi, mësuesja Blerina Vali ju drejtuar nxënësve dhe prindërve me një gjuhë të ëmbël, të afërt për nxënës dhe prindër. Po ashtu foli edhe për mënyrën e mësimit dhe rëndësinë e gjuhës, si dhe premtoj se: me një bashkëpunim, mësues, nxënës dhe prind do të kemi sukses, mbase dhe shkëndijat e rrezes së diellit do t’i ndejmë atëherë kurë fëmijtë tanë nuk belbëzojnë në gjuhën shqipe.

Në fund u dhanë dy pika muzikor të akorduar nga nxënësit, që në hapat e parë u pa serioziteti dhe dëshira, që zëri i shqipes të kumbojë aty ku ka shqiptar. Tërë kësaj madhështie ia shtoj vlerën shqiponja jonë dy krenare dhe kënga “Jem Ilira”, të kënduar nga nxënësit e përcjellur nga prindërit.

Nxënësve, Kryetari Krasniqi ju ofroi librat, që ditë më parë i kishte marr nga Konsullata e Republikës së Kosovës, që dhe vlerësoj lart përpjekjet e dy konsullatave tona shqiptare, të Shqipërisë dhe Kosovës, të cilat dhe janë të pranishme në çdo takim të KMPGJSH-së, përfaqësuesit e saj. Gjë që ky bashkëpunim i KMPGJSh-së me Konsullata i inkurajoj më tepër prindërit dhe me duartrokitje përshëndetën këtë kontribut të tyre që u përcjell deri tek prindërit, përmes Krasniqit.

Në fund morën një foto të përbashkët dhe uruan që të ketë kjo nismë suksese të mëtutjeshme dhe rrugë të mbarë!

Në mbyllje të këtij shkrimi u informuam nga sekretari i KMPGJSH, Isuf Bytyçi dhe nënkryetarja, Donika Zonja për hapjen edhe dy klasave tjera në Munih.

Shkruan: Fatmire Krasniqi

   Në Munih të Gjermanisë më 30.09. 2017  u mbajt takimi i radhës së Kryesisë së Këshillit të Mësimit Plotësues në Gjuhën Shqipe në Bavari, të pranishëm ishin përfaqësuesit e dy konsullatave tona shqiptare në Munih Z. Kajtazi dhe Z. Ibro.

   Mbledhjen e hap kryetari, KMPGJSH-së z. Krasniqi,  ku ndër tjera përshëndeti të pranishmit dhe përfaqësuesit e dy konsullatave shqiptare në Munih të Gjermanisë Z. Kajtazi dhe Z. Ibro. Ndërsa pikat e renditë të ditës i lexoi sekretari  i KMPGJSH-së z. Bytyçi dhe më pastaj gjatë shqyrtimit të pikave mbledhja kaloi me një debat konstruktiv, ku u pasqyrua gjendja reale dhe arritjet e deritanishme e kryesisë së KMPGJSH.

  Pas fjalës së D.Ibro, z. Kajtazit, M.Krasniqit dhe paraqitjen e rendit të ditës, pika për sigurimit e fondit për mësimdhënësit ishte njëra ndër pikat më debatuese. Rreth kësaj pike, Bytyçi sqaroi  mundësin e vetme dhe të sigurt të financimi, ai ndër tjera tha: Ne duke u mbështetur thellësisht tek prindi, në këtë formë i sigurojmë pagën mësimdhënësit, nga që prindërit. Prindërit, tek e dërgon fëmiun në Mësimin Plotësues në Gjuhën Shqipe, ai e di që ka obligime ndaj shkollës shqipe, gjë që për këtë jam shumë[ i bindur se prindërit janë të ndërgjegjshëm dhe nuk kursejnë lekun për shkollën shqipe. Më tej Isuf tha:  Ne duhet të kërkojmë nga këshillat e prindërve që t’ua sqarojnë prindër në hollësi gjendjen reale, që për një kohë deri sa të gjejmë fonde tjera, prindi është i obliguar të paguaj për një nxënës 10 ero për të dytin dhe të tretin nga pesë ero në muaj, shumë që nuk e rëndon xhepin e bashkëkombësit. Për këtë që në fillim duhet të ju shpërndahen faturat të lëshuar nga kryesia e KMPGHSH-së, ndërsa ky propozim u hodh në votim ku dhe u miratua me shumicën e të pranishmëve

   Ndërsa për gjendjen dhe shqetësimin e pagave për mësimdhënës e paraqiti ngulshëm edhe znj. Donika, po ashtu Anila Xhani ndër të tjera kërkojë që mësimdhënësit të jenë të diplomuar dhe përkatës për dhënien e mësimit, duke u mbështetur rregulloren e mbledhjes së fundit që mësimdhënësit duhen të kenë të mbaruar shkollën e lartë, apo fakultetin dhe mësuesin për arsye që të jemi më serioz, ky propozim nuk u hodh fare në votim, nga arsyeja se u duartrokit dhe u mor unanimisht si vendim, nga që edhe më parë ishte një vendim i tillë dhe nuk kishte nevojë të votohej. 

 Madje u  hap debati për pagën e anëtarësisë nga anëtarët e kryesisë që ta mbetet 10 ero në muaj, për këtë dhe mori fjalën Fran Tanushi dhe pas arsyetimit që dha, se anëtarët duhet të paguajnë në vit nga 10 ero për shpenzimet administrative, e jo për muaj, ky propozim u hodh në votim dhe kaloi me shumicë të votave. Po ashtu dhe njëra ndër pikat më debatuese ishte edhe propozimi i nënkryetarit të KMPGJSH-së, Tefik Jahës, që mjetet të derdhen në një konto, në konton e KMPGJSH-së, nga që kemi shoqata që deri më tani i financojnë disa shkolla. I këtij mendimi ishte edhe Edmond Skenderi, ku ky propozim u hodh në votim dhe u miratua me shumicë. Rreth kësaj pike dhe klasave në Rosenheim foli Valbona Roqi, ku ndër tjera tha: Në Rosenheim shkollat funksionojmë mirë, që nga fillimi i hapjes së klasave, ndërsa paga e mësimdhënësve bëhet nga shoqata BKSA “Shqiponja”.

  Në këtë debat konstruktiv u inkuadrua edhe Dash Ibro, si dhe Faket Kajtatzi, ndër të tjera Kajtazi paraqit hapat e parë të hapjes së shkollave shqipe dhe të ndihmesës që i kanë dhënë konsullatat, që Mësimi Plotësues të zhvillohet tek mërgata jonë shqiptare.

   Donika Zonja dha një pasqyrë të shkollave që presin të fillojnë nga 2 tetori, ku ndër të tjera tha: Pikërisht, gjate muajve te shkuar me një angazhim te gjithanshëm, arritëm ne një kohe rekord t’i hapim 5 klasa në Mynih. Andaj synimi ynë i pareshtur ishte; Mësimi Plotësues ne Gjuhen Shqipe të zinte vend tashme edhe nëpër shkollat gjermane, aty ku mësojnë edhe fëmijët tanë, aty ku ne fund te fundit edhe ka vendin e meriton t’i jepet jete e drite, Dijes dhe Arsimimit. Ndër të tjera shtoi znj. Donika:

    Për t’ia arritur një qëllimi te tille, përpjekjet kanë qenë jo te pakta, ku ne bashkëpunim me kryetaret e Këshillave të Prindërve, e me 2 Konsullatat tona shqiptare, veçanërisht me z. Ibro, arritëm në fund të muajit gusht t’i merrnim dy përgjigje pozitive. Që do të thotë se nga 7 klasa sa i kemi kërkuar nga autoritetet vendase pesë prej tyre janë konfirmuara paraprakisht nga drejtuesit e tyre, që t’i kemi në dispozicion të Mësimit Plotësues në Gjuhën Shqipe për Mynihun, ku mësimi do të zhvillohet, që nga java e pare e tetorit,  në këto shkolla: 
- Grundschule an der Bergmannstraße 36, cdo te premte, nga ora14:00 – 15:30.
-  Grundschule an der Berg-am-Laim Straße 142, çdo te mërkure, 16:00 – 17:00.
-  Mittelschule an der Schleißheimer Straße 275, çdo te marte, 15:30 – 17:00.
-  Grundschule an der Hirschbergstraße 33, çdo te premte, 15:30 – 17:00.
- Grundschule an der Hugo-Wolf-Str. 70, çdo te mërkure, 15:00 – 16:30.
- Shkolla në  Bewohnerzentr. Nordhaide, Schneeheideanger 6-8, mësimi do të fillon të mërkurën, 15:00 – 16:30.
E ndërsa për shkollat në- Dülferstraße dhe në Schwabing, jemi në pritje, 

A. Ibrahimaj dhe Krasniqi të pranishmit i njoftoj se nga java e parë e tetorit do të fillojnë mësimin edhe tri klasa në këto shkolla:
- Grund- und Mittelschule Fürstenfeldbruck Nord Theodor-Heuss-Str. 5, të premten ora 13,30
 - Në Munch, Grafinger schule, grafingerstr, të premten nga ora 12,30
 - Të shtunën mësimi do të mbahet në shkollën Realschule në Hochkirchen.

z. Ibrahimaj metej të pranishmit i njoftoi se: kemi bërë kërkesën edhe për katër klasa tjera, ku dhe jemi në pritje të përgjigjes, nga drejtorit e shkollave përkatëse, për hapjen e klasave edhe në këto shkolla:

-Grundschule Ritter Tuschl Kapuzinerstr. 24 und Sandbacher Str. ‎66 Passau,

-Edithschteinschule, Kneipp str. 22 Memmingen

-  Theodor Heuss-schule; Maching str 8 Memmingen

- Elsbethenshule; st Joseps-Kirchplatz 3 në Memmingen                    

  Ndërsa, Arif Arifaj njoftoi të pranishmit se së shpejti do të hapen edhe dy klasa në Frailasing, po ashtu edhe Edmond Skenderaj flet për hapjen e një klase tjetër, si dhe janë të interesuar prindërit që edhe në Ingolstat dhe dy klasë tjera në Mynich të hapen pasi dhe është plotësuar numri i nxënësve.
Në fund sipas kryetarit Mustafë Krasniqi  shkollat funksionale janë: 2 klasa që kanë filluar mësimin para 8 viteve dhe 4 para 2 viteve, si dhe 5 klasa që kanë filluar mësimin para 8 muajsh. Ndërsa në këtë vit fillimi i vitit në landin e Bavarisë me Mësim Plotësues pritet t’i ketë diku mbi 20 klasa.
Andaj pas mbledhjes kryetari Krasniqi na tha: Ne, KMPGJSH-ja  jem duke punuar me një përkushtim të madhe, edhe pse po hasim në vështirësi të mëdha, nga që na mungon buxheti financiar, jemi të shtrënguar të bëjmë orë të shumta pune vullnetare, pa e llogaritur koston, lodhjen dhe humbjen e kohës. Të gjitha këto i bëjmë nga xhepi dhe vullneti ynë. Po ajo që po na vë në siklet është paga e mësimdhënësit, që dhe nuk është serioze të punon një mësimdhënës e të mos ketë pagën mujoren, të paktën për shpenzimet që i bënë. Ne ju kemi drejtuar me një Shkresë Ministrit të Arsimit dhe të Diasporës së republikës së Shqipërisë, po ashtu dhe Ministrit të Arsimit, punëve të Jashtme dhe të Diasporës së Republikës së Kosovës dhe i kemi njoftuar për punën dhe vështirësitë e mëdha që na presin me fillimin e vitit të ri, nga që na mungon Buxheti për pagën e mësimdhënësit. Ne ju kemi drejtuar edhe shumë Bizneseve që ta ken parasysh edhe Mësimin Plotësues, po nga disa prej tyre na është kthyer përgjigjja se ne kemi Qeveri dhe ajo duhet të kujdeset për  pagën e mësimdhënësit.

Këshilli i Mësimit Plotësues në gjuhën
Shqipe në  Bavari Zgjodhi kryesin e re.

Mynih, 25 prill 2017: Më 23.04.2017 në Mynih-Bavari të Gjermanisë në prani të mësueseve dhe mësuesve, Këshillit të prindërve, Shoqatave dhe përfaqësuesëve të bizneseve që jetojnë dhe veprojnë në Bavari, u mbajt Kuvendi Themelues për Mësim Plotësues në Gjuhën Shqipe.

Në Kuvend të pranishëm ishin Ministri i Arsimit, Shkencës dhe Teknologjisë së Republikës së Kosovës, Arsim Bajrami me stafin e tij, Ministri i Diasporës së Republikës së Kosovës Valon Murati, si dhe drejtori i Departamentit për Arsim dhe Kulturë në Diasporë, Avdyl Lipoveci.

I pranishëm ishte edhe Konsulli i Përgjithshëm i Republikës së Shqipërisë Arten Hanku, si dhe Konsulli i Përgjithshëm i Republikës së Kosovës Naser Idrizi, Këshilltari Faket Kajtazi dhe Konsulli Hamdi Reqica.


Kuvendin e hapi prof. Mustafë Krasniqi, ku ndër të tjera tha: “Pas një pune shumë sfiduese projekti për mësim plotësues në gjuhën shqipe gjeti një përkrahje të fuqishme tek Konsullata e Republikës së Kosovës, konkretisht nga Konsulli i Përgjithshëm i Rep. së Kosovës Naser Idrizi, e cila vuri në veprim njërin ndër punëtorët e saj të devotshëm, Konsullin Hamdi Reqicën, njëkohësisht duke e falënderuar edhe Këshilltarin Faket Kajtazin.

Z. Reqica tashmë është bërë shtylla kryesore e këtij projekti, qoftë në veprime konkrete dhe ato këshilluese. Në këtë projekt ishte e angazhuar edhe Ministria e Diasporës, e cila angazhoi Drejtorin e Arsimit dhe Kulturës, Avdyl Lipovecin. Këtë nismë e përkrahu edhe Konsulli i përgjithshëm i Republikës së Shqipërisë Arten Hanku”. Në përfundim të fjalës, Krasniqi ftoi panelin e zgjedhur nga kryesia e punës, për ta drejtuar Kuvendin deri në zgjedhjen e kryesisë së re.

Paneli drejtues përbëhej nga Fran Tanushi, Donika Zonja, Isuf Bytyçi dhe Konsulli Hamdi Reqica. Ndërkohë fjalën e morën Ministri i Arsimit, Arsim Bajrami, Ministri i Diasporës Valon Murati, Konsulli i Përgjithshëm i Shqipërisë Arten Hanku, si dhe Konsulli i Përgjithshëm i Kosovës Naser Idrizi. Pas mbarimit të pjesës së parë, me një pushim të shkurtër filloi pjesa e dytë, e cila ishte më sfiduese, me debate të shumta, ku si pikë referimi ishte rregullorja e punës.

Pas këtyre debateve u zgjodh kryesia e gjerë e Këshillit të Mësimit Plotësues në Gjuhën Shqipe në Bavari prej 19 anëtarëve, të cilët zgjodhën Kryesinë e re. ( Zëdhënëse e Këshillit Lorita Ismaili)

  Kryesia e KMPGJSH-së:

1. Mustafë Krasniqi-kryetar
2. Donika Zonja-nënkryetare
3. Tefik Jaha-nënkryetar
4. Fran Tanushi-nënkryetar
5. Isuf Bytyçi
6. Agron Ibrahimi - Arkata
7. Lorita Ismaili - Zëdhënëse
8. Valbona Roqi 
9. Nerxhivane Qorrolli
10. Edmond Skenderaj
11. Minire Gajtani
12. Nife Arifaj
13. Maxhun Smajli
14. Xhevahire Sylejmani
15. Fadil Lumi
16. Januz Veliqi
17. Lule Lokaj
18. Sahit Bekaj
19. Anila Xhani